HISTERIA Azpeitiko "Sorkuntza beka"ren baitan sortutako pieza da. Bideoa eta musika. Geruzen arteko jolas bat. Ariketa kolektiboa. Saiakera bat.
Maria Elorza zinemagileak eta Idoia Hernández (HATXE) konpositoreak Azpeitiko "Sorkuntza beka" jaso zuten 2019an HISTERIA proiektua garatzeko. Bideo eta musika elkarrekin lantzeko, sortzeko, jolasteko aukera bat. "Histeriaren ideiatik abiatuta, unibertso surrealista bat sortzen saiatu gara, inprobisazioa erabiliz. Atrezzo-aren hainbat elementuk lagundu gaituzte horretan: ispiluek, erraiak ziruditen sokek, jantziek. Irudiak lantzearekin batera, modu paraleloan musika sortzen joan gara. Bibolin eta bateria inprobisazioak, inguruko soinuak, elizen kanpai hotsak, atearen burdineria, algarak. Baina musikaren funtsa pianoaren 5/8 erritmoan dago."
Irudiak Super8 pelikula analogikoan grabatu dira, historikoki zinema esperimentalean eta bideoartean erabilitako materialean. Kantaren alderdi ilun eta psikologikoak islatzeko bideoa Collage moduan editatu da, anbiente ezberdinak modu azkarrean eta iradokitzailean tartekatuz. Horrezgain, film zaiten gainean markak eta
marrazkiak egin dira, pelikularen alderdi plastikoa aprobetxatuz. Orratzen bitartez irudian arramazkak eginez, lixibarekin zati batzuk borratuz eta margoekin marraztuz.
Bideoa ikusi:
vimeo.com/mariaelorza/histeria
Eskerrik asko, Dinamoa sorkuntza espazioari eta Kulturaz Kooperatibari.